يا حاجه مصر ابنك بقه مديون

يا حاجه مصر
ابنك بقه مديون
وانذل يا حاجه على كل شكل و لون
غصب عنه قرب يكون مجنون
الاقيش معاك يا حاجه
قد خمسين الف
والله مش طمعان ولا غبى ولا بلف
دا كل اللى محتاجه
ابنى يدوب مكان ينفع يكون مسكون
ما انش عايز تريليون
ولا طمعان فى كام مليون
كل اللى عايزه الستر
يسترنا رب الكون
جيت استلف منك
لقيت حتى التراب مديون
معلش يا حاجه
صعبك مسيره يهون
الله يكون ف العون
وحزنى بقه اضعاف
عشانك بقيت محزون
وانا اللى كنت مبسوط يوم زفافك
شاهد على عقدك مع الماذون
لكن عريسك اللى ما يتسمى
فتحت بفلوسك سجون
اللى يقول عايز فى السجن يرميه
والخير الكبير كله ياخده يخبيه
فى كل بنك شويه
بحساب سرى ويخفيه
مسيره يتعذب
وتبقى كل فلوسه نيران بتكويه
حسبنا الله ونعم الوكيل فيه
بس ادعيلى يا حاجه
اقدر اشوف لى بيت واشتريه
ويحفظنا ويحفظك ربنا ويصون
وبرحمته يرحمك ويرجع فلوسك
من كل اللى كان بيخون
ويفرج عنا ربنا ويفك الديون
يارب فى جمعه
لك ساعه اجابه للدعاء
بندعى يارب دلوقت تكون
==================
مستر /عطيه خضرى عطيه
قلين / كفر الشيخ

مااروع كلماتك الناطقه
عليك بدعاء الرزق والاستغفار
اللهم ارزقك من وسع خالص احترامى[b]

» ان كبر ابنك خاويه بين الرفض والقبول
» جربى ومش هتخسرى حاجه كفته السمك
» السؤال الفلسفى ليه كل حاجه حلوه عمرها قصير
» احبتى اياك ان تدمرى ابنك او ابنتك الكلام بميزان حساس فهم جواهركم
» الملف الجرىء كيف تتعامل مع ابنك المراهق ليكون صديقك والانتيم المفضل