والاسم راجل من دراما الحياهنتعلم الخبره الحياتيه

طباعة الخبر
وبالاسم راجل !

4/21/2013 5:46 PM

وبالاسم راجل !


السلام عليكم ورحمة الله
أرجو أستاذة نيفين نشر رسالتي ،
مشكلتي في اني فقدت وظيفتي من اكتر من سنة انا كنت شغال في إحدى المصانع التي تم إغلاقها في منصب إداري كويس لكن للأسف من ساعتها بصرف من شوية فلوس كنت شايلها للأيام السودة لكن الحقيقة اللي إحنا فيه دلوقتي اسود بكتير من المتوقع .. المهم ربنا سهلها من عنده وشفتلي شغلانة لكنها بسيطة انا دلوقتي بشتغل في ورشة من ورش الدهب صنايعي ويارتني حصلت حتى صنايعي انا مجرد بوصل الحاجة من المحل الفلاني للمحل الفلاني وطبعا الحال اتدهور على الآخر لكن مشكلتي الأكبر من كدة ان مراتي مش قادرة على العيشة دي لان شغلي في المصنع كان مرتبي فيه كبير إنما دلوقتي ملاليم .. هية بصراحة عندها حق واستحملت كتير معايا في الأول لكن المستوى العام لينا نزل نزلة وحشة جداً لدرجة أنها ابتدت تبيع دهبها واستلفنا من طوب الأرض .. هية دلوقتي بتلمح على طلاق لسة ما قالتهاش صراحة لكن انا قلقان من الضغط تطلب الطلاق وأنا ساعتها مش هقدر افتح بقي أو الومها وعلشان كدة انا قلت ابعتلكم يمكن حد من الأصدقاء يفيدني بنصيحة الحق بيها الموقف قبل خراب البيت مع مراعاة ان زوجتي بتحبني وأنا كمان وبيننا أولاد انا مش عارف اعمل ايه بالاسم راجل في البيت ومشلول وحاسس بقلة حيلة رهيبة بس والله ماهو بأيدي والكل شايف وعارف الدنيا عاملة أزاي ده انا كمان حالي كدة أحسن من غيري بكتير والحمد لله عموما اشكر الجميع وأتمنى من الله ان لا يوقع أحدا في ضيق .
السيمرى

[b]

المفترض
ان تعيش الزوجه مع زوجها على الحلوه والمره
انصحك لو طلبت الطلاق مع السلامه
من يحبك لغايه يترك عند غياب الغايه
عمر الاضيله ما تطلب الطلاق عشان جوزها دخله نزل
المفترض منها لو كانت اصيله تعمل وتساعد وتغير نمط المعيشه
طبقا للمستجدات الجديده والدخل الجديد
لو طلبت الطلاق تبقى يابنى مش امراه زمن لان الزمن فيه الحلو والوحش
والابيض والاسود ويوم ابيض ويوم اسود ويواسود ومنيل بستين نيله[b]

شكرا ايها الرجل الراقى دوما
والذكاء الاجتماعى والذكاء العاطفى ينقص احيانا احد الزوجيين فتظهر المشاكل والماسى
تعطرت الصفحات بمرو الجمال جدا