كلمات "للصبر حدود" // أم كلثوم كلمات "للصبر حدود" كلثوم ما تصبرنيش بوعود وكلام معسول وعهود انا يا ما صبرت زمان على نار وعذاب وهوان واهي غلطة ومش حتعود ولو ان الشوق موجود وحنيني إليك موجود إنما للصبر حدود .. للصبر حدود يا حبيبي صبرني الحب كتير وداريت

كلمات "للصبر حدود" //
أم كلثوم


كلمات "للصبر حدود" كلثوم

ما تصبرنيش بوعود وكلام معسول وعهود
انا يا ما صبرت زمان على نار وعذاب وهوان
واهي غلطة ومش حتعود
ولو ان الشوق موجود وحنيني إليك موجود
إنما للصبر حدود .. للصبر حدود
يا حبيبي

صبرني الحب كتير وداريت في القلب كتير
ورضيت عن ظلمك لكن كل ده كان تأثير
والقرب أساه وراني البعد أرحم بكتير
ولقيتني وانا بهواك خلصت الصبر معاك
وبأملي أعيش ولو أنه ضيع لي سنين في هواك
واهي غلطه ومش حتعود

أكتر من مره عاتبتك واديت لك وقت تفكر
كان قلبي كبير بيسامحك إنما كان غدرك أكبر
أكبر من طيبة قلبي .. أكبر من طولة بالي
أكبر من قوة حبي مع كل الماضي الغالي

ولقيتني وانا باهواك خلصت الصبر معاك
وبأملي با أعيش ولو أنه ضيع لي سنين في هواك
واهي غلطه ومش حتعود

ما تصبرنيش ما خلاص أنا فاض بيا ومليت
بين لي انت الإخلاص وانا أضحي مهما قاسيت
دا ما فيش في الدنيا غرام بيعيش كده ع الأوهام
والحب الصادق عمره عمره ما يحتاج لكلام

ولقيتني وانا باهواك خلصت الصبر معاك
وبأملي باعيش ولو انه ضيع لي سنين في هواك
واهي غلطه ومش ح تعود
ولو ان الشوق موجود وحنيني إليك موجود
إنما للصبر حدود .. للصبر حدود
يا حبيبي

تعليقات الفيس بوكـ