( جريمه قتل )
واحد صاحبى ظابط مباحث بيحكيلى على واقعه حصلت
فى مقاول من الى بيطهروا الترع و المصارف الزراعيه دول كان شغال فى ترعه كدة وبعدين الجرافه وهى شغاله لقوا برميل حديد غرقان فى الترعه و مصبوب جواه على اخره اسمنت
المهم خرجوا البرميل رموه على جنب الترعه
بعديها بيوم فى واحد من بتوع الخرده ماشى لقى برميل حديد قال ياخده يسترزق
بتاع الخرده اخد البرميل وجاب منشار عشان يقطع البرميل الحديد و ياخده من حوالين الاسمنت الناشف جواه
وهنا كانت الصدمه انسان متقطع ومرمى فى البرميل ومصبوب عليه الاسمنت
ومن يومها وهم مش عارفين يحددوا الجثه دى بتاعت مين وشغالين عليها
السؤال الى بسأله لنفسى دلوقتى مين يجيله قلب يقتل واحد وبعدين يقطعه وبعدين يكبسه فى برميل ويجيب اسمنت ويصبه عليه مين الشخص الفاجر دا ؟؟
ربنا يتولانا