مستر/عطيه الخضرى
عدد المساهمات : 62 تاريخ التسجيل : 05/01/2013 العمر : 59
| موضوع: يا ريِّس مرسى خاف الله الثلاثاء 18 يونيو 2013, 5:23 pm | |
|
يا ريِّس مرسى خاف الله مش راح ينفع فِكر المرشد تجرى وراه لامته يا ريِّس هتكون جاحد وفضل النَّاس دى عليك تنساه راجع نفسك عُود للثورة احضن هرمك شد قناتك ضُّم اخواتك رجَّع نهر النيل من تانى يحضن مجراه اللى بيجرى ورا نزواته واللى يبيع ارضُّه واخواته هيروح فين من غضب الله كل منافق قبلك تاه خاف الله لجل تحقق حلم اخواتك مصر بحالها حلم بسيط وبتتمناه لقمة عيش شغلانه حلال امن وتعليم شوربة ميِّه حلم بسيط عمرها يوم ما بتتعداه الظلم يا ريِّس مش هيدوم هيجيلك يوم مش راح ينفع تانى اللوم لسَّاها بأيدك سيبك من سيدك هيولَّع فيها واكيد هيبيدك مش عيبه يا ريِّس ترجع لله راجع تصعيدك اعدل بس يا ريِّس مرسى الشعب يريدك المارد جاى يوم ثلاثين مع أول ضى أوعى تفكَّر انك يوم راح تتحداه المُلك أهو زايل والمرشد زايل ليه ترضى يا ريِّس بالوضع المايل ليه ترضى ياريِّس الناس تتحايل وشيطان المُرشد ينصب ف حبايل مش ربك قايل وف معنى اياته ان الظالم هيجيله نهايه فى عذابة الهايل هيشوفه هوايل محنش كُفَّار احنا الاحرارأصحاب الدَّار احنا الثوّار مهما تطول الضلمه علينا هنلاقى نهار راجع نفسك قبل ما تنهار قبل الدم ما يكون انهار وبقولها بجد ومعدش هزار الخنقه خلاص ويا الاسعار والدم اهو فار واهو راح نتمرد بالاستمرار واللى ميفهمش ايه لون المصر والله حمار قبل الثلاثين فيه عندك فرصه تعيد المشوار وتصلَّح بلدك وبأحلى قرار يوم الثلاثين هيكون العار هيكون ف رقابتك دم الاحرار قبل الثلاثين اخر انذار يا اما النور والوضع يدور يا اما النار يكفى استهتار يا جماعة الخير راجعوا الافكار الدوله كبيره ماهيش دوَّار والشعب الواعى قالها باصرار عايزين اللقمه والشُّغله بجد والمركب تمشى من غير نخوار مسمعتش حد ولاشفنا قرار ولا شفنا الرد والعيشه مرار والظلم ياريس أهو عَّدى مداه منك لله ========
عطيه الخضرى | |
|
محمد فوزى البلقينى المشرف العام لمنتدى عالمنا بلا حدود ونبتدى منين الحوار
عدد المساهمات : 4476 تاريخ التسجيل : 02/09/2012 العمر : 72
| موضوع: رد: يا ريِّس مرسى خاف الله الثلاثاء 18 يونيو 2013, 6:37 pm | |
| حمد الله على سلامتك وحشتنا شاعرنا الجميل واوحشتنا لاحرمن الله من طلالتك لجميله | |
|
مستر/عطيه الخضرى
عدد المساهمات : 62 تاريخ التسجيل : 05/01/2013 العمر : 59
| موضوع: رد: يا ريِّس مرسى خاف الله الأربعاء 19 يونيو 2013, 6:44 am | |
| الحمد لله استاذ محمد ربنا موجود | |
|
ياسرابو بلال
عدد المساهمات : 70 تاريخ التسجيل : 07/09/2012 العمر : 41 الموقع : http://yaser.alhamuntada.com/
| موضوع: رد: يا ريِّس مرسى خاف الله الخميس 24 أكتوبر 2013, 11:04 pm | |
| سبن المرشد اهو جلا ن السيسى وامن الدولة والبطلجية التى حميان وحمية اقسمان المحترمة التى مش عرفة تحمى نفسة غير بالبلطجة
| |
|