عالمنا بلا حدود نبتدى منين الحوار
عزيزى الزائر أهلا ومرحبا بك فى منتدى محمد فوزى الثقافى نرحب بك ضيفا عزيزا على منتدانا ونتشرف بتسجيلك فى المنتدى بالضغط على رابط التسجيل
عالمنا بلا حدود نبتدى منين الحوار

منتدى محمد فوزى السابع عشر منارة ثقافيه للجميع
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
المواضيع الأخيرة
» قعدت أنادى ع الفضيله
الخميس 02 يونيو 2016, 6:28 pm من طرف مستر/عطيه الخضرى

» كُلُّه وارد
السبت 02 يناير 2016, 6:28 am من طرف مستر/عطيه الخضرى

» وعد من قلبى السنادى
الخميس 31 ديسمبر 2015, 5:49 am من طرف مستر/عطيه الخضرى

» اخلاقي اساس حياتي سَــــألونيْ عَــن الدُنيـــا فَقُـــلتُ إنَــها زائِـــلة ويَـــومَ القيـــامة لـــن يَنفعَـــكْ أخً ولا عائِلَــــة إنَ الحَيـــــاةَ تُســقينا كَأسًــا مِـنَ المُـــرِ قاتِلـــةَ أتُحِــب أنْ تكـــونَ خطواتُـــكَ عَلــى الصــراط مُعت
الجمعة 05 يونيو 2015, 8:25 pm من طرف محمد فوزى البلقينى

» روشته السعاده الزوجيه
الجمعة 05 يونيو 2015, 8:14 pm من طرف محمد فوزى البلقينى

» من روائع الادب والحكمة.... لا يمكنك ان ترى انعكاس صورتك في ماء يغلي.. وكذلك لا يمكن ان تشاهد انعكاس شخصيات الاخرين وانت في حالة غليان الغضب!!
الخميس 04 يونيو 2015, 7:43 pm من طرف محمد فوزى البلقينى

» في البدايات تكون كل الأشياء رائعة والمشاعر متوهجة ويغيب العقل وتذهب الأفكار ثم وبالتدريج تذهب السكرة وتعود الأفكار ولكنها تأتي بعد فوات الأوان...ما مضي لن يعود ولكن الأمل دائما موجود والغد قادم لا محالة فلنستقبله بالرضا واليقين بأن الله لن يضيعنا وأن قضاء
الأربعاء 03 يونيو 2015, 5:35 am من طرف محمد فوزى البلقينى

» بين شقى الرحى حنين وانيين
الأربعاء 03 يونيو 2015, 5:34 am من طرف محمد فوزى البلقينى

» سُئل أحد الحكماء يوماً: كيف تتحقق السعادة فى الحياة ؟ قال الحكيم سوف ترون الآن,ودعاهم إلى وليمة وجلسوا إلى المائدة.. ثم أحضر الحساء وسكبه لهم ، وأحضر لكل واحد منهم ملعقة بطول متر واشترط عليهم أن يحتسوه بهذه الملعقة العجيبة. حاولوا جاهدين لكنهم لم يفلحوا ,
الأربعاء 03 يونيو 2015, 5:29 am من طرف محمد فوزى البلقينى

بحـث
 
 

نتائج البحث
 
Rechercher بحث متقدم
المواضيع الأكثر نشاطاً
وجهات نظر/*/* ماهو احقر الرجال
مشكله ليس لها حل000 فهل تشاركونى الراى ام تختلفوا معى اخاطب ود تواصلكم احبتى واحبابى
وقالت مدام امينه=== حوار مع ملكه الحوار
الاعلام الامريكى شبهه السيد الدكتور مرسى بالقرداتى
لايفسد الرجل الا امراه لعوب فقدت بوصله دينها
لالالالالالالالالا لى التسول بالأطفال
هل النزوه خيانه قضيه معاصره
رساله ورديه من زوجه متهنيه هيا نتبادل الادوار زوجى وحبيب قلبى عشان اريحك عمرى
رحبوا معى بسمو ملكه الحوار الجميله مدام امينه
حواريه مع الجميل جدا الاستاذ احمد ربيع من نجوم احلى منتدى والفيس بوك
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أفضل 10 أعضاء في هذا الشهر
أفضل 10 أعضاء في هذا الأسبوع

شاطر | 
 

 30 سنه بيفرقوا بين دين محمد وعيسى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مستر/عطيه الخضرى

avatar

عدد المساهمات : 62
تاريخ التسجيل : 05/01/2013
العمر : 52

مُساهمةموضوع: 30 سنه بيفرقوا بين دين محمد وعيسى   الجمعة 11 يناير 2013, 4:30 pm

بعد ما طالت حبستك
وطالت معاها كبوتك
مبروك يا مصر فرحتك
جالك رئيس
طالع نتاج من ثورتك
30 سنه كانت كبيسه
30 سنه بيفرقوا
بين دين محمد وعيسى
30 سنه والاضطهاد
لاخوان المساجد والكنيسه
وأهو جالنا ريس
عشان يعمر
ويزود الانتاج
ويُعبر التفليسه
80 سنه يتحملوا
علشان بلدهم
ومعادن الاخوان نفيسه
اتحطوا وف قلب السجون
من بين ولادهم
كانوا ياخدوهم
وكات تهون
والمساعى بالخطاوى
كات حسيسه
أنا جاى اشارك
وكمان أبارك
وأقول يا مصر
معدش نارك
ولا عاد مرارك
ومن تانى
راح يطلع نهارك
وريس الاخوان
هيعدل مسارك
هياخد برأيك
وينفذ قرارك
ويرسم
على ارض الحياه افكارك
وأنا جاى
قابلت اكتر من فلان
وكل واحد حملنى رساله
هقولها بسرعه
وف عُجاله
ريسنا مرسى

الحاجه فاطمه
جات تقوللك
بص يابنى
لا تقول لواحد
قوم وصلِّى
لاتقول لواحد ربِّى لِحيه
او حتى واحده
تقوللها تلبس نقاب
الشغله دى مش شغلتك
دا فرضنا ف السنه
من بعد الكتاب
تقدر تغير فى الشخوص
وفى المناهج
تقدر تريح الاباء
فى كل بيت
علشان يربوا ع الفضيله
تقدر تحسن فى الائمه
تقدر تحسن فى الوسيله
وتختار الافاضل
تقدر تفاضل
ومتدخرش اى حيله
الوسايل الغير مباشره
مش قليله
مش هتدَّخل فى دين
وف كل وقت
تكون معين
راح تبقى زين
وبدل متقعد المُدَّه
هتكون مُدتين


وأم سيد
جايه تجرى
يا عم شاعر قول لهم
اشرح لهم
فضفض لهم
قد ايه بنحبهم
همنا كان همهم
ومصرنا دى مصرهم
وعمرنا من عمرهم
على عهدهم
نفسنا نشوف وعدهم
يشمروا
ويعمروا
يتواضعوا مش يتأمروا
ولا وطنى تانى يكرروا
ادينا للاخوان بصدق
علشان بيتقوا ربنا
قبل العمل بيفكروا
ولا يوم علينا اتاخروا
ولا مننا كانوا يسخروا
دلوقتى لازم يفخروا
لانهم جوه القلوب
للمحبه فجَّروا
80 سنه يتمرروا
جا وقتهم يتحرروا
يتطوروا
ويتغيروا
ريسنا مرسى
ابنى سيد واخوه محمد
وابوه على
من غير عمل
30 سنه فاقدين امل
30 سنه
والوضع زفت مش محتمل
م اللف ع الوظايف جوزى مل
كل الوظايف قدموا فيها
ولا اى حل
ولا حد قال لنا
مالكم فى يوم
ولا جه وطل
والعيشه مره
ولا عاد بصل
ولا حتى خل
وابو العيال انعل
الراجل تعب وانسل
قرَّب خلاص ينشل
علشان نعيش
بعت الجاموسه والعجل
وضربتهم بالرجل
هنموتوا يعنى
واما الفلوس خلصت
انا قلت ابيع الفجل
بالله عليك ياريس
عايزين عمل للراجل
وشغلانه للعيال
الامر اصبح عاجل
والوضع بسرعه مال
ولاعدش مال
ولا عاد جَمال
من كُتر الالم
والفقر والاحمال
معدش باقى احتمال
ولا عدش اخ
ولا عدش عم
ولا عاد لاقريب ولا خال
بالله عليك
تقدر تجاوب ع السؤال
هل فيه امل
ولا الامل اصبح مُحال
والحاج عبده
جاى يقوللى
وانا واقف
وبتوضى على الميضا
هل ياترى يا ابنى
بعد السواد والضلام
تبقى الحياه بيضه
وتقدر تجيب بالجنيه
العيش مع البيضا
هل يا ترى يا ابنى
هقدر اجيب لى لباس
واجيب لى جلابيه
ما اللى لابسها
صبحت خلاص عَتِّه
هل ياترى يا ابنى
راح ترجع اللحمه
واكلها ع الفته
قلبى انحرق
م اللفت
والملح والقتَّه
هل يا ابنى هقدر
فى يوم اكسى العيال وامهم
اصل العيال سِته
واشوف لهم حِتِّه
والبت اكلفته
واقدر استته
====================
وابن عم مصطفى من سيدى سالم
من عزبة الورق
بالله عليك يا مستر
قوللهم قلبى انحرق
الفصل مليان بالعيال
وكل واحد
نازل يصر م العرق
ولا عاد مدرس
يحضر حصص
وان يوم حضر
لايشرح بجد
ولا يجاوب سؤال
وكل حبه انفعال
ولما اشيل لى
ساندوتش بينسرق
نفسنا
تبقى المناهج متحسنه
والولاد جوه الفصول متأمنه
والابهات والامهات
تكون ع العيال مطَّمنه
عايزين أدارات بجد
لونها يبقى الالتزام
مش على كل لون متلّوِنه
عايزين مُدرس
يتق فينا ربنا
ويحبنا
يشرح لنا
لو يوم غلطنا يقول لنا
هل يا ترى الحلم ده
هيكون لنا
والست ساميه
بنت السعيد
ابن احمد البربوش
قالت امانه تقول لهم
بالله عليكوا ما تنسوش
فوق العشر سنوات
شغَّاله فى التشجير
40 جنيه
وفوق كده
7 سنين مبيقبضوش
جه القرار بالتعيينات ومعينوش
ومجلس الشعب الكريم
قال القرار هنَّفذه
وشعبنا راح ننقذه
ونعين اللى متعينوش
لا حد عبر القرار
وكلهم مينفذوش
بالله عليكم انجدنا
حلمنا قرَّب يبوش
بس قولوا لاصحاب القرار
اتقوا ربنا
انتوا ايه
من ربنا ما بتخافوش
30 سنه مبتسألوش
يارب حُوش
وأرحمنا من جرى الوحُوش
وحسبنا الله ونعم الوكيل
فى اللى مبيرحموش
----------------
وسين وصاد
ولام وعين
وحاجات كتير بالشكل ده
والناس صحيح متأكده
ان ريسنا الجديد
ماهوش ظالم
ولا عُمره
هيكون كِده
ان ريسنا الجديد
هيحرك السفينه
فى المياه الراكده
وهيفرح القلوب بالسعاده
30 سنه متنكده
يارب احفظ لنا الرئيس
لجل ما نكيد العدا
وافتح على ايده
كل البيبان
اللى كانت 30 سنه متسدده
واجعل قيادته راشده
============
عطيه الخضرى عطيه


_________________
عطيه خضرى عطيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد فوزى البلقينى
المشرف العام لمنتدى عالمنا بلا حدود ونبتدى منين الحوار
المشرف العام لمنتدى عالمنا بلا حدود ونبتدى منين الحوار
avatar

عدد المساهمات : 4476
تاريخ التسجيل : 02/09/2012
العمر : 66

مُساهمةموضوع: رد: 30 سنه بيفرقوا بين دين محمد وعيسى   الجمعة 11 يناير 2013, 6:15 pm

رائع
دوما
بيرم
المنتدى الجميل
شكرا وحبا وافتخار ان مثلك معنا يشرح الحاله كما ينبغى ان تكون بجد
ادينى شويه من لسانك الجميل بسم الله ماشاء الله[b]

_________________
أحمدك ربى حمدا يليق بجلال وجهك وعظيم سلطان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روح الروح



عدد المساهمات : 60
تاريخ التسجيل : 20/12/2012

مُساهمةموضوع: رد: 30 سنه بيفرقوا بين دين محمد وعيسى   الجمعة 11 يناير 2013, 8:06 pm

شكرا
لشاعريتك الجميله[b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مستر/عطيه الخضرى

avatar

عدد المساهمات : 62
تاريخ التسجيل : 05/01/2013
العمر : 52

مُساهمةموضوع: رد: 30 سنه بيفرقوا بين دين محمد وعيسى   السبت 12 يناير 2013, 3:14 am

روعتى فى كونى بمنتداكم
قسما برب الكون انا اهواكم
وشرف كل الشرف اننى دوما معاكم
واسال الله ان يرعاكم
ويكلل بالخير دوما مساعكم
وكل لحظة وانتم بخير عساكم

_________________
عطيه خضرى عطيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
30 سنه بيفرقوا بين دين محمد وعيسى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالمنا بلا حدود نبتدى منين الحوار :: شاعر الثورة مستر عطيه-
انتقل الى: